Татарстанда «Президент академиясенең Халыкара җәйге кампусы» XIV белем бирү форумына делегация туплауга гариза бирү кампаниясе старт алды
Татарстан Республикасы «Президент академиясенең Халыкара җәйге кампусы» XIV белем бирү форумына делегация туплый башлады. Форум 15-21 июль көннәрендә «Свияжские холмы» шифаханә-курорт шәһәрчегендә узачак. Гаризалар кабул итү кампаниясе инде башланды: республика югары уку йортлары студентлары 2026 елның 24 маена кадәр https://atmrt.ru/campus сайтында гариза калдыра ала.
Татарстан Республикасы делегациясе конкурс нигезендә сайлап алуның өч этабы нәтиҗәләре буенча формалашачак. Беренче этапта кандидатларга https://atmrt.ru/campus сайтында анкета тутырырга кирәк. Икенче этап 29 һәм 30 май көннәрендә Казанда узачак: булачак делегатларны әңгәмә, шулай ук эрудицияләрен, аналитик сәләтләрен һәм иҗтимагый-сәяси дисциплиналарны белүне тикшерүче тестлар көтә.
Делегация составына Татарстан югары уку йортларының бакалавриат 2–3 курсларда бакалавриат яки специалитет буенча 2–4 курсларда укучы студентлары, шул исәптән чит ил студентлары да чакырыла.