Көллият директорлары һәм аларның урынбасарлары «Артек»та укулар узачак
Проект Россия Мәгариф һәм фән министрлыгы тарафыннан оештырылган.
Укыту программасы өч этапны үз эченә ала.
Читтән торып катнашу этабы өч ай дәвамында – 2022 елның 25 августына кадәр дәвам итәчәк. Укыту «Урта һөнәри белем бирү оешмаларында тәрбия эшен оештыру» дип аталган өстәмә һөнәри белем бирү программасы буенча үткәрелә.
12 сентябрьдә укытуның икенче этабы башлана: «Артек» Халыкара балалар үзәгенә көллият директорлары һәм директор урынбасарлары киләчәк. Алар белем бирү оешмасында инновацион менеджмент нигезләрен өйрәнәчәкләр. Курс тыңлаучыларын кураторлар, методистлар һәм укытучылар озатып барачак.
Укуларның соңгы этабы төбәкләрдә 6 октябрьдән 17 декабрьгә кадәр белем бирү семинарлары булачак. Семинарлар Урта һөнәри белем бирү учреждениеләрендә тәрбия эшен оештыруның актуаль мәсьәләләренә багышланачак. Аларда 2 меңгә якын кеше катнашачак.