Казан укучысы Халыкара математика олимпиадасында катнашу өчен Россия җыелма командасына керде

2022 елның 17 мае, сишәмбе

63 нче Халыкара математика олимпиадасында катнашачак Россия укучыларының исемнәре игълан ителде.

2011 елдан башлап беренче тапкыр ярышларда ике кыз катнашачак: Казаннан Галия Шәрәфетдинова һәм Санкт-Петербургтан Таисия Коротченко. Алар белән бергә Мәскәүдән Денис Мостафинга һәм Санкт-Петербургтан өч укучы – Иван Бахаревка, Максим Туревскийга һәм Роман Кузнецовка бурычларны хәл итәргә туры киләчәк.

Олимпиада 6 июльдән 16 июльгә кадәр Норвегия башкаласы Ослода узачак. Һәр илне алты мәктәп укучысыннан торган команда тәкъдим итә ала. Ярыш ике турны үз эченә ала, өчәр бурыч – һәрберсендә. Биремнәр мәктәп математикасының төрле өлкәләрен колачлый – нигездә, бу-геометрия, саннар теориясе, алгебра һәм комбинаторика.