Мәктәп укучыларын «Сириус» үзәгенең химия, геометрия һәм компьютер лингвистикасы буенча онлайн-курсларына чакыралар
«Сириус» үзәгенең химия, геометрия һәм компьютер лингвистикасы буенча онлайн-курсларына җыю башланды. Теркәлү 2022 елның 31 июленә кадәр ачык, укулар җәй ахырына кадәр узарга мөмкин.
«Өстәмә геометрия бүлекләре. 7 сыйныф» курсы фән буенча җиденче сыйныфның мәктәп программасын үзләштергән балаларга исәпләнгән. Модульләрнең бер өлеше геометрик үзгәртеп корулар һәм фигура мәйданнары белән беренче танышуга багышланган. Программада шулай ук 8 сыйныф өчен темалар да очрый, мәсәлән, параллелограммалар һәм башка дүртпочмаклы, өчпочмакның уртача линиясе турында темалар. Укуны старт тестыннан башларга мөмкин.
«Өстәмә химия бүлекләре. 9 нчы сыйныф» курслары кысаларында укучыларга органик булмаган химия нигезләре белән танышырга туры киләчәк. Күпчелек модульләрдә демонстрацион тәҗрибә табарга була.
«Компьютер лингвистикасы» курсы беренче тапкыр үткәрелә. Аңа мәктәп укучылары, укытучылар һәм барлык теләүчеләр керә ала. Оештыручылар билгеләп үткәнчә, информатика һәм лингвистика буенча махсус белемнәр яки күнекмәләр кирәк булмаячак. Курс гадәти әйберләргә яңача карарга ярдәм итәчәк һәм компьютер лингвистикасын үстерү перспективалары һәм гамәли куллану турында күзаллауларны формалаштырачак.