Сергей Кравцов Мелитополь педагоглары һәм укучылары белән очрашты
Фикер алышуның төп темалары – педагогларның квалификациясен күтәрү, инфраструктураны үстерү, шулай ук балаларга өстәмә белем бирү һәм Россия балалар хәрәкәте чараларында катнашу өчен яңа мөмкинлекләр булдыру. Министр билгеләп үткәнчә, җирле хакимиятләр алдында мөһим бурычлар тора – уку елы башланганчы Россия стандартларына күчү процессын оештыру.
Сергей Кравцов ассызыклаганча, Запорожье өлкәсе территорияләреннән азат ителгән мәктәп укучылары украин телен өйрәнүне дәвам итәчәкләр, шул ук вакытта рус телен өйрәнү өчен барлык мөмкинлекләр дә тәкъдим ителәчәк. Ведомство башлыгы Россия югары уку йортларына керү мөмкинлекләре турында аерым сөйләде.
Моннан тыш, Министр хәрби-гражданнар администрациясе башлыгы Евгений Балицкий белән Мелитополь һәм тулаем төбәк мәгариф өлкәсен үстерү мәсьәләләре буенча очрашу үткәрде. Сергей Кравцов азат ителгән территорияләрдәге балалар өчен «Артек» яшьләр үзәгенә 50 юллама тапшырды.