Сергей Кравцов: «Безнең төп бурыч – укучыларга төрле яклап белем бирү»
Бүген педагоглар һәм мәгариф хезмәткәрләре алдында мөһим бурыч тора – төрле яктан алга киткән шәхесне үстерү. Моның өчен Россия мәгариф системасы чыгарылыш сыйныф укучысына киләчәктә үзе сайлап алган һөнәрдә куллана алырлык белем нигезен бирергә тиеш. Бу хакта Петербург халыкара икътисадый форумы кысаларында «Россия 24» телеканалына биргән интервьюсында Россия Федерациясенең мәгариф министры Сергей Кравцов сөйләде.
«Әгәр база бар икән (кеше гуманитар, табигый-фәнни өлкәдә белем алган), аңа җайлашырга һәм кирәк булганда яңа күнекмәләр үзләштерергә җиңелрәк. Әгәр белем берьяклы булса, асылда, бу юнәлештә кеше алга таба үсәргә мөмкин. Шуңа күрә безнең төп бурыч – төрле яклап белем бирү, базис бирү», – дип аңлатты Сергей Кравцов.
Мәгариф министры ассызыклаганча, бүген балада Ватанга мәхәббәт, өлкәннәрне хөрмәтләү, сәламәт яшәү рәвеше кебек төшенчәләрне алга куйган шәхесне тәрбияләү мөһим.
«Баланы үстерү һәм гармонияле шәхес тәрбияләү – бик мөһим мәсьәлә, теләсә кайсы икътисадта проблемалары булган кыйммәтләрне формалаштыру, өлкәннәргә хөрмәт һәм Ватанга мәхәббәт. Хезмәт, сәламәтлек, сәламәт яшәү рәвеше кебек кыйммәтләр. Бу мәңгелек кыйммәтләр, алар чын кеше булырга ярдәм итә», – диде Сергей Кравцов.