КДЭУга укырга кергән олимпиадаларда җиңүчеләр семестр өчен 120 мең сум акча алачак
Бу уку елында бюджет урыннарына кергән Казан дәүләт энергетика университеты студентлары ай саен 2 мең сум күләмендә стипендия алачак. Әмма кайбер категория студентлар дүрт ноле булган суммага да исәп тота алачак.
Олимпиадада җиңүчеләргә һәм отличникларга
КДЭУда бюджет урыннарына кергән башка "югары балл"лар өчен дә матди ярдәм чаралары каралган. Әйтик, БДИда 195-199 балл алган студентлар беренче семестрда ай саен 5әр мең сум, ә 200-219 балл җыйганнар 10 мең сум акча алачак.
Беренче семестрда арттырылган стипендия КДЭУга түләүле нигездә укырга кергән Югары баллы беренче курс студентларына да бирелә. 195-199 баллда андый студент укуның беренче дүрт аенда 4 мең сум, 200-219 баллда — 6 мең, 220-229 баллда — 8 мең, 230 балл һәм аннан да күбрәк — 10 мең сум акча алачак.
КДЭУга ике фән буенча БДИ нәтиҗәләре белән 100 балл җыйган һәм беренче сессияне «бишле» гә тапшырган беренче курс студентлары яздан башлап һәр семестр ай саен ике тапкыр академик стипендиягә исәп тота ала.
Ә быел КДЭУга укырга кергән укучылар олимпиадаларында федераль исемлеккә кертелгән җиңүчеләр һәм призерлар, сессияне алдагы семестрда «бишле» гә тапшырсалар, яздан башлап, һәр семестрга ай саен 30 мең сум күләмендә стипендия алу мөмкинлеге бар. Моннан тыш, алар тулай торакта үзләренә ошаган бүлмәне сайлап алырга хокуклы.