Яр Чаллыда июль аенда 69 нчы комплекста яңа мәктәпкә документлар кабул итү башлана
Яр Чаллыда 1 июльдән 69 нчы комплекста төзелә торган яңа мәктәпкә документлар кабул итү башлана. Бу хакта мәгариф оешмасы директоры Марс Гафуров белдерде.
«1 июльдә документларны кабул итү 9дан 18 сәгатькә кадәр барачак. 2 июльдә, шимбә көнне, без кабул итүне 9.00 сәгатьтән 14.00 сәгатькә кадәр алып барачакбыз. 4 июльдән башлап, дүшәмбедән пәнҗешәмбегә кадәр документлар көн саен 9.00 сәгатьтән 17.00 сәгатькә кадәр кабул ителәчәк. Кирәк булганда, без җомга һәм шимбә көннәрен дә кертеп, кабул итү көннәре санын арттырырга әзер. Яңа мәктәпкә гаризалар кабул итү 42-нче номерлы мәктәптә узачак», - дип сөйләде Гафуров.
Яңа мәктәп 1 501 укучыга исәпләнгән. Белем бирү учреждениесендә 780 урынга исәпләнгән актлар залы, 530 урынга исәпләнгән ашханә, ике спорт залы, 12 һәм 25 метрлы ике касә белән бассейн, китапханә булачак.
Биредә тхэквондо, самбо, шахмат, волейбол, бадминтон, йөзү, 3D-модельләштерү секцияләре, журналистика түгәрәкләре ачыла. Моннан тыш, «Лидер» яшүсмерләр клубы, мәктәп КВН командасы, «Юнармия» хәрәкәте эшләячәк. Шулай ук театр студиясен һәм мәктәп музеен ачу планлаштырыла.
Моннан тыш, мәктәп бинасында Салих Сәйдәшев исемендәге 6 нчы музыка мәктәбенең филиалы урнашачак, дип хәбәр итә мәгълүмат сәясәте һәм җәмәгатьчелек белән элемтәләр идарәсе.