«Вузга онлайн керү» суперсервисына ярдәм итү буенча Бердәм контакт үзәге эшли башлады
Суперсервис аша вузга документлар тапшыру белән бәйле сорауларга җавапларны абитуриентлар һәм аларның әти-әниләре кайнар линия телефоны аша ала алачак. Бу хакта Россия Мәгариф һәм фән министры Валерий Фальков сөйләде.
«Хәзер Вузга документларны берничә гади адымнан биреп була - бу заманча интернет-кушымталар һәм сервислар белән эшләүче яшьләр өчен бик кызыклы перспектива. Суперсервиска ихтыяҗ елдан-ел арта, узган кабул итү кампаниясеннән бөтен Россиядән 44,5 меңгә якын кеше файдаланган. Үсмерләрдән һәм аларның ата-аналарыннан килеп туган барлык сорауларга оператив җавап бирү өчен, кабул итү кампаниясе алдыннан Кайнар линия эшли башлады, аңа мөрәҗәгать итеп, вузга онлайн керү белән бәйле тулы җавапларны тиз һәм җиңел алырга мөмкин», - дип сөйләде Валерий Фальков.
«Югары уку йортына керү онлайн» суперсервисының Бердәм контакт үзәге тәүлек буе 8-800-100-20-17 телефоны буенча эшли. Тиешле мәгълүмат якын көннәрдә барлык вузлар сайтларында һәм мәгълүмат такталарында урнаштырылачак.
Быел «Вузга онлайн керү» суперсервисы ярдәмендә чыгарылыш сыйныф укучылары Россия территориясендәге югары уку йортларына һәм аларның филиалларына документларны дистанцион рәвештә тапшыра һәм керү этапларын реаль вакыт режимында күзәтә алачак.