КАИда Бөтенроссия олимпиадаларында җиңүчеләрне һәм призерларны бүләкләү узды
КНИТУ-КАИда «Фән граниты», «Звезда» һәм «Росатом» Бөтенроссия мәктәп укучылары олимпиадаларында җиңүчеләрне һәм призерларны бүләкләделәр.
Очрашуда 7-11 сыйныф укучылары һәм аларның әти-әниләре, Машина төзүчеләр берлегенең Татарстан төбәк бүлеге рәисенең беренче урынбасары, «Серго исемендәге Завод «Җитештерү берләшмәсе» АҖ генераль директоры урынбасары Владимир Мухин һәм КНИТУ-КАИның белем бирү эшчәнлеге буенча проректоры Роман Моисеев катнашты.
Владимир Мухин укучыларны сәламләде һәм «Звезда» күппрофильле инженер олимпиадасы партнеры булган машина төзүчеләр Берлеге «Сүздә белән генә түгел, ә чынлыкта югары һәм урта һөнәри белем алуга ярдәм итә», дип билгеләп үтте.
КНИТУ-КАИ проректоры Роман Моисеев олимпиадаларда җиңүчеләрне һәм призерларны котлады, аннары абитуриентларны һәм ата-аналарны 2022 елгы кабул итүдәге үзгәрешләр һәм Болонья процессыннан чыгу, КНИТУ-КАИның Кытай югары уку йортлары белән партнерлыгы турында мәгълүмат бирде.
Бүләкләү тантанасыннан соң укучылар лазер технологияләре һәм нанотехнологияләр кафедрасында, «Пыяла эшкәртү» фәнни-техник үзәгендә булдылар.