Бүген Татарстан чыгарылыш сыйныф укучылары соңгы бердәм дәүләт имтиханын тапшыра
2022 елның 21 июнендә имтихан үткәрү пунктларында икенче көн информатика һәм ИКТ фәне буенча компьютер формасында бердәм дәүләт имтиханы (КЕГЭ) үткәрелә. Бу - төп дулкынның соңгы БДИ. Имтихан үткәрү пункты эшендә 1248 педагогик хезмәткәр катнаша. 121 аудиториядә онлайн видеокүзәтү оештырылган.
Барлыгы 888 катнашучы гариза бирде.
Имтихан 10 сәгатьтә башлана, озынлыгы 3 сәгать 55 минут.
Сәламәтлек мөмкинлекләре чикле укучылар өчен БДИ вакыты 1,5 сәгатькә арта.
БДИ нәтиҗәләре 2022 елның 6 июленнән дә соңга калмыйча игълан ителергә тиеш.
БДИның минималь бусагасы 40 балл тәшкил итә.
Имтихан үткәрү тәртибен бозган өчен имтиханнан читләштерелгән БДИ катнашучылары (телефоннар һәм башка җайланмалар, шпаргалкалар һ.б.) бу фән буенча БДИны киләсе елда тапшыра алачак.
21 июньдә Дәүләт йомгаклау аттестациясенең төп чорын үткәрү тәмамлана. Резерв көннәре 2022 елның 23 июненнән 2 июленә кадәр билгеләнгән. Бу чорда БДИны узган елларда тәмамлаучылар, шулай ук сәламәтлекләре буенча имтиханны вакытыннан алда тәмамлаган яки нигезле сәбәпләр аркасында имтиханда була алмаган, документлар белән расланган чыгарылыш сыйныф укучылары тапшырачак. Имтихан үткәрү пунктлары Казан һәм Яр Чаллы шәһәрләрендә оештырылды.
Ике мәҗбүри фәннең берсе буенча (рус теле, математика) аттестат алу өчен минималь чикне узмаган катнашучылар аны төп чорның резерв көннәрендә, ә ике мәҗбүри фән буенча да канәгатьләнерлек булмаган нәтиҗә алган катнашучылар - сентябрь аенда өстәмә чорда тапшыра алачак.
Рус теле буенча БДИ резерв көн-23 июнь, математика буенча-2022 елның 27 июненә билгеләнә.