Яшел Үзәндә мәктәпкәчә белем бирүне үстерүнең актуаль мәсьәләләре турында фикер алышачаклар
Бүген, 29 июньдә, Яшел Үзән шәһәренең мәктәпкәчә белем бирү оешмаларының база мәйданчыкларында Татарстан Мәгариф һәм фән хезмәткәрләренең «Мәктәпкәчә белем алу мөмкинлеген арттыру ресурсы буларак федераль программа һәм республика проектлары» дигән темага август киңәшмәсенең секция утырышы узачак.
Секция эше федераль һәм республика проектларына һәм Татарстанда мәктәпкәчә белем алу мөмкинлеген арттыру ресурсы буларак мәктәпкәчә белем бирү программаларына багышланган.
Секциядә катнашучылар Яшел Үзән районы мәгариф оешмаларының балалар бакчасында тормышка ашырыла торган проект эшчәнлеге; заманча белем бирү технологияләре чараларын куллану, Россия халыкларының мәдәни мирасы елында этномәдәни проектларны тормышка ашыру; мәктәпкәчә белем бирү программаларын балалар бакчасының инновацион эшчәнлегенә интеграцияләү тәҗрибәсе белән танышу; федераль дәүләт белем бирү стандартларын гамәлгә ашыру шартларында белем бирүнең сыйфатын арттыру, инновацион технологияләрне куллану, мәктәпкәчә белем бирүнең эчтәлеген һәм технологияләрен камилләштерү, авыл балалар бакчаларында белем бирү сыйфаты казанышлары инструментын куллану һ. б.
Секция эше бер үк вакытта берничә мәктәпкәчә белем бирү оешмасы базасында узачак: 10-нчы номерлы «Йолдызлык» балалар бакчасы, 30-нчы номерлы «Кораблик» балалар бакчасы, 13-нче номерлы «Гусельки» балалар бакчасы, 53-нче номерлы «Радость» балалар бакчасы, 55-нче номерлы «Киләчәк» балалар бакчасы, 33-нче номерлы «Аленький цветочек» балалар бакчасы, 50-нче номерлы «Умка» балалар бакчасы.
Пленар утырышта «Мәгариф» милли проектының «Заманча мәктәп» федераль проекты кысаларында мәктәпкәчә белем бирүнең сыйфатын арттыру факторы буларак грант ярдәме, милли һәм гомумкешелек кыйммәтләрен исәпкә алып, Татарстанның мәктәпкәчә белем бирүне программалы–методик яктан тәэмин итү, башлангыч һөнәри юнәлеш бирүнең заманча алымнары һ. б. мәсьәләләр каралачак.