Татарстанда 500дән артык абитуриент резерв көнендә өч фән буенча БДИ тапшыра
Резерв көнендә, 28 июньдә, «Биология», «Чит тел» (язма өлеш), «Информатика һәм ИКТ» фәннәреннән бердәм дәүләт имтиханы үткәрелә.
Имтихан үткәрү өчен 5 пункт, шул исәптән 1 пункт өйдә оештырыла.
Имтихан үткәрү пункты эшенә 216 педагогик хезмәткәр җәлеп ителгән. 57 аудиториядә онлайн-видеокүзәтү оештырылган.
Барлыгы 553 катнашучы гариза бирде, шул исәптән 296сы – биология, 135 се – Инглиз теле, 3се – немец теле, 2се – Кытай теле, 117 се – информатика һәм ИКТ буенча.
Имтихан 10 сәгатьтә башлана, биология һәм информатикадан – 3 сәгать 55 минут, инглиз һәм немец телләреннән – 3 сәгать 10 минут, Кытай теле буенча 3 сәгать. Сәламәтлек мөмкинлекләре чикле укучылар өчен имтиханның озынлыгы сәгать ярымга арта.
БДИ нәтиҗәләрен агымдагы елның 13 июленнән дә соңга калмыйча үз мәктәпләрендә, БДИда катнашучыларның барысы да Рособрнадзор рәсми сайтының «ДИА» бүлегендә белә алачак https://checkege.rustest.ru/