Татарстан студенты «ШУМ» Бөтенроссия яшьләр форумында 700 мең сум отты
Илнең көнбатыш өлешендә – Калининград шәһәрендә узган «ШУМ» бөтенроссия яшьләр форумы илнең 77 регионыннан 500 яшь креатор, фотограф, дизайнер һәм блогерны берләштерде. Татарстан Республикасын 9 кеше тәкъдим итте.
Форум 5 кампус-юнәлешләргә бүленде: алар җитәкчелегендә катнашучылар медиа трендларын өйрәнделәр, креатив реклама роликларын төшерделәр, имидж видеолары өчен сценарийлар, коммуникацион стратегияләр һәм социаль челтәрләрдә алга таба мавыктыру өчен яңа инструментлар эшләделәр.
Форум барышында Росмолодежь грант конкурсына йомгак ясалды.Аның кысаларында катнашучылар үз проектларын тормышка ашыру өчен 5 000 сумнан 1,5 миллион сумга кадәр грантлар алдылар. Барлыгы 113 проектка юл куелган, аларның 14е 7 000 000 сумлык ярдәм алган — бу 2022 елда иң зур грант фонды.
Казан федераль университеты студенты Дмитрий Томкевич «Сүз безнең өчен» Республика медиамәктәбен гамәлгә ашыру өчен 700 мең сум күләмендә грантка ия булды.
Проект бу ел ахырына ук гамәлгә ашырылачак һәм 2 этаптан торачак: медиа эшчәнлегенең 6 төре буенча белем бирү өлеше һәм күчмә белем бирү мәктәбе.
Исегезгә төшерәбез, «Сүз безнең өчен» республика медиамәктәбе «Татарстан Республикасы Студентлар лигасы» төбәк яшьләр иҗтимагый оешмасы тарафыннан инде 11 нче тапкыр үткәрелә.