«Россиянең Ел укытучысы» конкурсында җиңүчеләр бу ел финалистлары өчен мастер-класслар үткәрделәр
2022 елда «Россия Ел укытучысы» Бөтенроссия конкурсы финалистлары өчен 27 июньнән 30 июньгә кадәр семинар үткәрелә. Ул онлайн режимда оештырылган. Узган еллардагы конкурста җиңүчеләр финалда катнашучылар өчен мастер-класслар үткәрделәр һәм уңышка ирешү серләре белән уртаклаштылар, дип хәбәр итә Россия Мәгариф һәм фән Министрлыгы.
Беренче көнне йомгаклау этабында катнашучылар бер-берсе белән таныштылар. Һәркем үзенең конкурстагы хезмәттәшләренә нәрсә файдалы булуы турында сөйләде.
Финалистлар белән Конкурсны гамәлгә куючылар, хакимият вәкилләре, ата-аналар, мәктәп укучылары аралашты. Конкурсантлар конкурс үткәрү тәртибенең төп нигезләмәләрен тикшерделәр, конкурс сынаулары мәйданчыклары һәм төп чараларны мәгълүмати яктырту турында мәгълүмат алдылар.
Семинар ахырында финалистлар «педагогик совет» дигән конкурс сынавы белән танышачак һәм җирәбәдә катнашачак.
«Россия Ел укытучысы» Бөтенроссия конкурсы ел саен 33 ел дәвамында үткәрелә. Бу вакыт эчендә ул ил җитәкчелегенең аерым игътибары үзәгендә булган укытучылар арасында һөнәри осталык буенча иң әһәмиятле һәм масштаблы ярыш булды. Ел саен бәйге 100 меңнән артык укытучыны җыя, иҗади педагогларны берләштереп, абруйлы эксперт берләшмәсен формалаштыра.
«Россия Ел укытучысы» конкурсының федераль этабы 2022 елның сентябрендә Төмән өлкәсендә узачак. Төбәк 2021 елның финал этабында Төмән шәһәренең 16 нчы гимназиясе физика укытучысы Екатерина Костылеваның җиңүе аркасында шундый мөмкинлек алды.