Мәгариф «алтын стандарты» укытучыларга йөкләнешне киметәчәк
Россия иҗтимагый Палатасында «Бердәм белем бирү пространствосы: дәреслекләр һәм программалар» темасына иҗтимагый фикер алышу узды. Экспертлар «Мәгариф турында»гы законга төзәтмәләр хакында фикер алышты, аны Россия Федерациясе Дәүләт Думасының мәгариф буенча Комитетына кертергә тәкъдим итте. Дискуссиянең модераторы булып Россия Иҗтимагый палатасының мәктәпкәчә, мәктәп, урта һөнәри белем бирү һәм агарту эшчәнлеген үстерү комиссиясе рәисе Наталья Кравченко чыгыш ясады.
Россия Мәгариф һәм фән министрлыгының гомуми белем бирү өлкәсендә дәүләт сәясәте һәм идарә департаменты директоры Максим Костенко дәреслекнең укучыны үстерүнең мөһим коралы булуын, әмма бердәм дәреслек турында бердәм белем бирү киңлеген булдырмыйча гына сөйләп булмый, дип билгеләп үтте.
Аның сүзләренә караганда, бердәм белем бирү киңлеге – ул өйрәтә торган комплекс, шулай ук белем бирү нәтиҗәләрен карап тоту.
Мәскәү шәһәренең Мәгариф һәм фән департаменты җитәкчесе Александр Молотков, «алтын стандарт» «алтын шаблон»га әверелмәсен өчен, федераль белем бирү программаларын гамәлгә кертү мәктәпләрне үстерүдә чикләмәүнең мөһимлеген ассызыклады.
Федерация Советының фән, мәгариф һәм мәдәният комитеты рәисе урынбасары Екатерина Алтабаева белдергәнчә, җәмгыятьтә белем бирү программаларының бердәмлегенә сорау бар.
«Без «алтын стандарт» турында сөйләшкәндә, ул алтын булсын өчен барысын да эшләргә кирәк. Моңа бик нигезле һәм профессиональ якын килергә кирәк. Эш программасы уку планының барлык сәгатьләрен дә колачларга тиеш түгел. Ул чакта оешманың мөстәкыйль эше өчен мөмкинлекләр калмаячак. Дәреслекләргә килгәндә, эчтәлекне кем формалаштыра, дип уйларга кирәк. Барыннан да элек, бу югары профессиональ галимнәр, яхшы әзерлекле кадрлар булырга тиеш. Шул чакта гына без концепт килеп чыкты дип әйтә алабыз», – диде ул.