Татарстан Республикасында Тулы вәкаләтле вәкил ярдәмчесе Владимир Колчин «Менталь сәламәтлек» округ проектын гамәлгә ашыру буенча киңәшмә үткәрде һәм берничә социаль учреждениедә булды
2022 елның 30 июненнән 1 июленә кадәр РФ Президентының Идел буе федераль округындагы Тулы вәкаләтле вәкиле ярдәмчесе Владимир Колчин Казанда булды. Эш визиты өчен регионда Россия Федерациясе Президентының Идел буе федераль округындагы Тулы вәкаләтле вәкиле Игорь Комаров инициативасы буенча гамәлгә ашырыла торган «Менталь сәламәтлек» иҗтимагый проектын үстерү турында фикер алышу сәбәп булды.
Проектны тормышка ашыру Аутистик спектрдагы зәгыйфь балаларга һәм өлкәннәргә комплекслы ярдәм күрсәтү системасын булдыруга, шул исәптән РАС куркынычы булган балаларны иртә ачыклауга, мондый категориядәге кешеләр реестрын формалаштыруга, социаль хезмәт күрсәтү, сәламәтлек саклау, мәгариф өлкәсендә ресурс үзәкләре эшен оештыруга, социаль хезмәтләр комплексын гамәлгә кертүгә, халыкны эш белән тәэмин итүне һәм эшкә урнаштыруны оештыруга юнәлдерелгән.
Владимир Колчинга менталь тайпылышлары булган кешеләргә ярдәм күрсәтү өчен булган инфраструктура күрсәтелде.
Шулай ук Татарстан Республикасында беренчел звено, мәктәпкәчә һәм мәктәп белем бирү өлкәсендә Аутистик спектры бозулары булган балалар һәм өлкәннәр белән комплекслы эшне оештыру, РАС булган затларны социальләштерү турында профильле ведомство җитәкчеләре докладлары тыңланды. Коммерцияле булмаган оешма һәм үзәк җитәкчеләре үз эш тәҗрибәләре белән уртаклаштылар.
Моннан тыш, киңәшмә кысаларында менталь сәламәтлек юнәлеше буенча эшләүче белгечләрне кадрлар әзерләү мәсьәләләре каралды.