Россиялеләр бюджетка керү мөмкинлеген вузны сайлаганда мөһим фактор дип атады
Сораштырылучыларның 80% тан артыгы бюджетка керү мөмкинлеген вузны сайлаганда иң мөһим фактор дип саный, ә әһәмияте буенча икенче урында белгечлекнең дәрәҗәсе тора.
Сораштырылучыларның 81% ы өчен сайлап алынган әзерлек яки белгечлекнең абруе мөһим. Университетның бренд булуы мөһим дип 73,1% респондент җавап бирде. Сораштырылучыларның 80% ы өчен фундаменталь белем бирүнең сыйфаты, 73,1% ы өчен гамәли юнәлешләр буенча әзерлекнең югары дәрәҗәсе, 71,9% ы өчен, югары уку йортының гармонияле үсеш мөмкинлеге бирә торган күппрофильле булуы-71,9% мөһим.
Фәнни инфраструктура мөһим түгел - ул сораштырылучыларның 54,9% өчен генә мөһим. Фәнни карьера төзү мөмкинлекләре респондентларның 58,3% ы сайлап алуга йогынты ясый. Вузның эш бирүчеләр белән җайга салынган багланышлары респондентларның 70,1% өчен мөһим.
Университетның бөтендөнья мәгариф киңлегенә халыкара интеграциясе яшьләр өчен әһәмиятле фактор түгел, дип билгеләп үтелә материалларда. Ике диплом программасы респондентларның 42,2% өчен мөһим, чит илләрдә стажировка узу перспективалары 51% өчен. Югары уку йорты эчендә интернациональләшү сорашып белешүдә катнашкан һәр өченче кеше күзлегеннән (38,2%) өстенлек булып тора.
Сораштыру турында
Онлайн-сораштыру 2022 елның 14 июненнән 23 июненә кадәр Россия ректорлар берлеге һәм RAEX рейтинг агентлыгы тарафыннан югары уку йортына керү тәҗрибәсе булган 1000нән артык яшь кеше арасында үткәрелде. Респондентларга конкрет уку йортын сайлап алуга нәрсә йогынты ясавы турындагы сорауларга җавап бирергә тәкъдим ителде.