Россиядә фәнни тикшеренүләр белән идарә итүнең бердәм системасы булдырылачак
Россиядә фәнни, фәнни-техник һәм инновацион эшчәнлек белән идарә итү өчен билгеләнгән бердәм дәүләт мәгълүмат системасы барлыкка киләчәк. Системада шулай ук экспертизаны планлаштыру, үткәрү, фәнни тикшеренүләрне һәм эшләнмәләрне мониторинглау һәм бәяләү каралган. Россия Президенты Владимир Путин «Фән һәм дәүләт фәнни-техник сәясәте турында» Федераль законның 7.1 статьясына тиешле үзгәрешләрне раслады.
Сүз гражданлык билгеләнешендәге фәнни-тикшеренү, тәҗрибә-конструкторлык һәм технологик эшләрне исәпкә алуның бердәм дәүләт мәгълүмат системасын (НИОКТР) бюджет финанславын җәлеп итеп алып барыла торган фәнни тикшеренүләр белән идарә итүнең төп системасы буларак билгеләү турында бара.
Фәнни һәм белем бирү оешмалары өчен дә, аларны гамәлгә куючылар һәм фәнни тикшеренүләр һәм эшләнмәләр белән кызыксынучы бизнес вәкилләре өчен дә фән һәм инновацияләрнең цифрлы мәйданчыгы булдырыла. Расланган үзгәрешләр фән, технологияләр һәм граждан билгеләнешендәге техника үсешенең барлык юнәлешләре буенча фәнни тикшеренүләр һәм эшләнмәләр белән идарә итүгә бердәм якын килүне тәэмин итәргә мөмкинлек бирәчәк.
РФ Дәүләт Думасы депутаты, РФ Дәүләт Думасының фән һәм югары белем бирү комитеты рәисе Сергей Кабышев сүзләренә караганда, кертелгән үзгәрешләр ике мәгълүмат системасы эшчәнлеге өчен хокукый нигезләр тудыра.
Беренчесендә фәнни, фәнни-техник һәм инновацион эшчәнлекнең барлык стадияләре турында төрле яклап мәгълүмат чагылдырыла, бу исә, бер яктан, мондый тикшеренүләрнең һәм эшләнмәләрнең нәтиҗәләрен бәяләргә һәм аларның иң яхшыларын Россия производстволарына гамәли кертү өчен сайлап алырга, икенче яктан, бюджет акчаларын сарыф итүнең нәтиҗәлелеген бәяләргә һәм тикшеренүләрнең кабатлануыннан качарга мөмкинлек бирә.
Икенче система-инновация эшчәнлегенә дәүләт ярдәме чараларын алучыларның бердәм реестры.
Кабул ителгән үзгәрешләр ЕГИСУ НИОКТРга «Гостех» платформасында «Фән һәм инновацияләр» доменын — фәнне цифрлы трансформация буенча глобаль проектның үзәге булырга мөмкинлек бирәчәк.