Татарстанда яшь геологларның республика ачык кыр олимпиадасы старт ала
11-17 июльдә Әлмәт районында Яшь геологларның VIII республика ачык кыр олимпиадасы старт ала. Ярышлар «Татнефть» ГАҖнең «Солнечный» балалар сәламәтләндерү лагере базасында узачак. Анда Татарстанның 31 командасыннан 286 Яшь геолог, Пермь краеның Кунгур шәһәре командасы, Кырым Республикасы, Беларусь, Казахстан һәм Үзбәкстаннан 286 укучы катнаша. Олимпиада 12 июльдә ачыла.
Олимпиаданы оештыручылар-Татарстан Республикасы Мәгариф һәм фән министрлыгы, «Татнефть» ГАҖ, Казан федераль университетының Геология һәм нефть-газ технологияләре институты.
Яшь геологлар үзләрен 12 конкурс сынавында сынап караячак: геология маршруты, гидрология, шлих сынавы, радиометрия, магнитометрия, куркынычсызлык техникасы нигезләре, кыр стоянкасын оештыру һәм башка олимпиада ярышларында.
Күп кенә балалар Олимпиадага беренче тапкыр гына килми. Алар уку елы дәвамында судьяларга һәм остазларга үз күнекмәләрен күрсәтү өчен тырышып шөгыльләнәләр. Катнашучыларның күбесе киләчәктә үз язмышларын геология белән бәйли. Алар өчен Олимпиада олы һөнәри тормышка үзенчәлекле трамплинга әверелә. Кыр геологик олимпиадаларын үткәрү вакытында 300дән артык катнашучы үз һөнәре белән геологияне сайлаган. 7 катнашучы олимпиадага команда җитәкчеләре сыйфатында, бөтен волонтерлык корпусы диярлек – геология югары уку йортлары студентлары әйләнеп кайтты.