Россия Мәгариф министрлыгында педагог һәм остаз елы чаралары планы өстендә эш алып баралар
Бу хакта Россия Федерациясе Мәгариф министры Сергей Кравцов Россия Президенты киңәшмәсендә Россия Федерациясе Хөкүмәте әгъзалары белән ясаган чыгышында белдерде. 2023 елны педагог һәм остаз елы дип игълан итү турындагы Указга 27 июньдә кул куелды.
"Барлык укытучылар, минем хезмәттәшләрем исеменнән аерым-аерым, киләсе елны педагог һәм остаз елы дип игълан итү карары өчен Сезгә рәхмәт белдерергә рөхсәт итегез. Бу - балаларны тәрбияләүгә һәм укытуга катнашы булган һәркем өчен белем бирү җәмгыяте өчен әһәмиятле вакыйга. Без әзерлекне башладык инде, тиздән чаралар планын тәкъдим итәчәкбез", - дип билгеләде Россия Мәгариф һәм фән министрлыгы башлыгы.
Бөтен ил буенча да, федераль дәрәҗәдә дә, төбәк дәрәҗәсендә дә масштаблы чаралар планлаштырылачак. Хәзерге вакытта педагогик бергәлеккә ярдәм итү буенча чаралар комплексы гамәлгә ашырыла.