Россиянең Мәгариф министрлыгы яшүсмерләр һәм аларның ата-аналары өчен үз-үзеңне тоту буенча рекомендацияләр бастырды
Россия Федерациясе Мәгариф министрлыгы яшүсмерләр өчен куркыныч һәм конфликтлы ситуацияләрдә үз-үзеңне тоту буенча киңәшләр белән белешмә, шулай ук үз-үзләрен хәвефле тоткан балаларның ата-аналары өчен белешмә әзерләгән.
Яшүсмерләр өчен "Синең куркынычсызлыкның формуласы" белешмәсендә балаларның һәм яшүсмерләрнең куркынычсызлыгына янаган ситуацияләрдә, тискәре кичерешләр һәм куркулар китереп чыгара торган ситуацияләрдә үзеңне ничек тотарга кирәклеге тикшерелә. Шулай ук куркыныч төркемнәргә һәм берләшмәләргә, законсыз эшчәнлеккә ничек җәлеп ителмәскә дигән тәкъдимнәр китерелә.
Моннан тыш, белешмә үзендә үз-үзеңә бәйле тәртипне ачыкларга һәм төрле бәйлелектән арынырга ярдәм итә, конфликтлы хәлләрдә үзеңне ничек тотарга, манипуляцияне ничек танырга һәм юк дип әйтә белергә, шулай ук үз энергияңне позитив юнәлешкә - үз талантыңны үстерергә яки файдалы хобби табарга мөмкинлек бирә.