Россия буенча сәяхәт: Студентлар һәм яшьләр туризмы программасының популяр юнәлешләренең ТОП-10
Җәй урталарында Россия Мәгариф һәм фән министрлыгы тарафыннан эшләнгән студентлар һәм яшьләр туризмы программасында РФ Президенты йөкләмәсе буенча узган ел 22 меңгә якын сәяхәтче теркәлгән. Бүгенге көндә программада Россиянең 111 шәһәрендә 194 югары уку йорты катнаша, анда студентлар һәм яшь галимнәр университет кампусларында туктый, төбәкләрнең тарихы һәм мәдәнияте белән таныша, белем бирү һәм фәнни чараларда катнаша ала. Июльнең иң популяр 10 юнәлеше турында сөйлибез.
Бүгенге көндә программада 3,9 меңгә якын сәяхәт планлаштырылган. Якын арада Россия буенча сәфәрләргә 6,5 меңнән артык яшь кеше китәчәк. Аларның күбесе илнең үзәк шәһәрләрен — Мәскәү һәм Санкт-Петербургны сайлады. Әйтик, иң популяр юнәлешләрнең беренче унлыгына Санкт-Петербург политехника университеты һәм «Югары икътисад мәктәбе» Милли тикшеренү университетының Санкт-Петербург филиалы, Мәскәү дәүләт лингвистика университеты, РФ Президенты каршындагы Россия халык хуҗалыгы һәм дәүләт хезмәте Академиясе керде.
Июль аенда студентлар сәяхәтләре өчен ТОП-10 югары уку йорты исемлегенә шулай ук Севастополь дәүләт университеты, Алтай дәүләт университеты, Казан (Идел буе) федераль университеты һәм Иркутск дәүләт университеты керә.