Химия буенча Халыкара олимпиада җиңүчесе укырга керү өчен КФУны карый

2022 елның 22 июле, җомга

Химия буенча Бөтенроссия олимпиадасы призерлары Казан университетына тулы составта керә.

Казан федераль университетында А.М. Бутлеров исемендәге Химия институты директоры Халыкара химия олимпиадасында җиңүче Никита Перов белән очрашты.

131 нче лицейның 10 нчы сыйныф укучысы Никита Перов 54 нче Халыкара химия олимпиадасында (IchO) җиңү яулады. Турнир Тяньцзинда (Кытай) тәмамланды. Әлеге бүләккә ул 1 млн сум алачак.

Алда Никитаны 11 нче сыйныф һәм БДИ көтә, әмма хәзер үк ул ике югары уку йорты-МДУ һәм КФУ укырга керүне карый.

"Фәндә миңа барыннан да бигрәк неорганик һәм физик химия кызыклы. Химия белән, мәктәптән тыш, мин тренерым Булат Камил улы Курамшин белән түгәрәктә шөгыльләнәм, бурычлар чишәм, тиешле әдәбият укыйм", – дип аңлатты җиңүче.