Сергей Кравцов мәктәпләрне капиталь ремонтлау программасы турында онлайн-ресурс эшенә старт бирде
Россия Федерациясе мәгариф министры Сергей Кравцов ведомствоның, "Бердәм Россия" партиясенең һәм "Мәскәү комсомолецы" газетасының уртак мәгълүмати проектына - Россия мәктәпләрен капиталь ремонтлау программасы барышы турында сөйләгән "Яңа мәктәп" интерактив картасына старт бирде.
"Капремонт 5 ел дәвамында 7 300 бинада узачак. Быел һәм киләсе елда программага 3 меңнән дә ким булмаган мәктәп керәчәк. Нигездә, күптән ремонтланмаган авыл һәм поселок мәктәпләре катнаша. Программа буенча ремонт кына түгел, бөтен инфраструктура да яңартыла. Һәр мәктәп кирәкле җиһазларны сатып алуга өстәмә рәвештә 6,5 млн сум ала", - дип билгеләп үтте мәгариф министры проектны башлап җибәрүгә багышланган матбугат конференциясендә.
Ул программаның иң мөһим бурычы - сыйфатлы база белем алу өчен Россиянең барлык төбәкләреннән мәктәп укучылары өчен тигез шартлар тәэмин итү, дип ассызыклады. Ул шулай ук программада укучылар үзләре һәм аларның ата-аналары актив катнаша алуын искәртте, шул исәптән биналар дизайны буенча үз тәкъдимнәрен дә әйтә ала. Үз чиратында укытучылар профильле кабинетлар өчен кирәкле җиһазларны тәкъдим итә ала. Педагоглар шулай ук квалификация күтәрү узарга мөмкин.
"Программаның гомуми күләме, төбәк финанславын исәпкә алып, якынча 500 млрд сум. Бүген 1 650 мәктәптә капиталь ремонт бара. Монда бернинди өзеклекләр юк, Россия Президенты куйган сроклар үтәләчәк", - дип билгеләп үтте Сергей Кравцов.
"Яңа мәктәп" порталында барлык теләүчеләр өчен интерактив карта булдырылачак, анда ата-аналар 2022-2023 елларда программага кергән һәм аларда нинди эшләр планлаштырылган 80 төбәктә мәктәпләр исемлеген ачык күрә алачак.