Мәктәп укучылары «Россия бөркетләре» программасы кысаларында башлангыч сыйныф укучылары өчен мәктәп формасы уйлап табуга үз өлешләрен кертә ала
«Россия бөркетләре» программасының башлангыч сыйныф укучылары өчен мәктәп формасы коллекциясе эскизларын эшләүгә Бөтенроссия конкурсына гаризалар кабул итү дәвам итә.
Барлык теләүчеләр үз идеяләрен коллекцияләр өчен тәкъдим итә алалар. Конкурс мода һәм дизайн белән кызыксынучылар өчен кызыклы һәм файдалы булачак.
Конкурсантларның проектлары арасында 45 иң яхшысы сайлап алыначак. Нәтиҗәләр 15 августтан да соңга калмыйча РДШ сайтында басылачак.
Җиңүчеләр үз эскизлары буенча Коллекция төзү һәм 2022 елның көзендә махсус йомгаклау чарасында катнашу мөмкинлеге алачак.
Призерлар селебрити-стилист һәм «ТНТ Перезагрузка» программасын алып баручы Лина Дембикова белән берлектә РДШ эшләгән махсус киемнәр алачак. Моннан тыш, балалар мода индустриясе эксперты белән онлайн-очрашуда катнаша ала, анда һәркем кызыксындырган сорауларга җавап ала алачак.
Конкурс ике категориядә үткәрелә: 8 яшьтән 18 яшькә кадәр укучылар, шулай ук олылар аудиториясе, ягъни педагоглар һәм ата-аналар арасында.
Гаризалар 2022 елның 31 июленә кадәр кабул ителә. Конкурста катнашу өчен РДШ.РФ сайтында теркәлергә кирәк.
Теркәлгәннән соң конкурсант конкурсның тулырак кагыйдәләре һәм модалы индустрия өлкәсеннән эксперт киңәшләре белән таныша алачак.
Тулырак мәгълүматны Россия мәктәп укучылары хәрәкәте сайтында белергә мөмкин.