Россия мәктәпләрен дәүләт мәгълүмат системасына тоташтырачаклар
Министрлар Кабинеты "Минем мәктәп" федераль дәүләт мәгълүмат системасының максатларын һәм бурычларын билгеләде. Хөкүмәтнең 2022 елның 13 июлендәге 1241 номерлы шундый карары 23 июльдә үз көченә керә.
Система бурычлары арасында:
- электрон журналларның һәм электрон көндәлекләрнең унификацияләнгән сервисын булдыру,
- мәгариф оешмаларына, белем бирү процесслары белән идарә итү һәм кабул итүне оештыру өчен электрон сервислар булдыру,
- укучыларның туклануын оештыру буенча электрон сервис булдыру,
- укытучылар, укучылар һәм аларның ата-аналары арасында мәгълүматлар алмашу.
Шулай ук документ системаны төзү, аны үстерү һәм эксплуатацияләү принципларын билгели. 2023 елның гыйнварына кадәр системаның беренче чираты булдырылырга тиеш, ә 2023 елның июленә кадәр - икенчесе.