ОВЗ белән укучыларга төбәктә кирәкле һөнәр сайларга ярдәм итәчәк
Һөнәри белем бирүне үстерү институты һәм гуманитар проектлар фонды – «Киләчәккә Билет» проекты операторы арасында хезмәттәшлек турында килешүгә кул куелды.
Оешмалар инвалидлар һәм сәламәтлекләре буенча мөмкинлекләре чикләнгән затлар арасыннан балаларга үзләштерә алырлык һөнәр сайларга ярдәм итәчәк. Мәктәп укучыларының укуларын вузларда да, Урта һөнәри белем бирү учреждениеләрендә дә карау мөмкинлеге булачак.
Яклар Урта һөнәри белем бирүнең сыйфатын күтәрү мәсьәләләрендә үзара хезмәттәшлек турында килештеләр. Алар бергәләп, икътисадның актуаль ихтыяҗларын исәпкә алып, кадрлар әзерләү өлкәсендә программалар эшләячәк.
Һөнәри белем бирүне үстерү институты һәм гуманитар проектлар фонды хезмәттәшлеге барлык балалар өчен дә уңайлы булачак һөнәри юнәлеш бирү системасын булдырырга мөмкинлек бирәчәк. Шулай итеп, профессиональ навигация буенча платформаны эшләтеп җибәрү планлаштырыла. Ул балаларга төбәкләрдә нинди һөнәрләргә ихтыяҗ барлыгын белергә, булган перспективаларны карарга ярдәм итәчәк.