«Классный марафон»ның дүртенче чыгарылышы 8 августта узачак
«Классный марафон»ның чираттагы чыгарылышы 8 августта 10:00 сәгатьтә Сочида «Белем» Россия җәмгыяте мәйданчыгында узачак. Булачак трансляциянең темасы - һәркемнең илнең хәзерге һәм киләчәгенә керткән өлеше.
Россия Мәгариф һәм фән министрлыгы проекты көллият һәм техникум төркемнәренең сыйныф җитәкчеләрен һәм кураторларын «Мөһим турында сөйләшүләр» дигән дәрестән тыш дәресләргә әзерләүгә юнәлдерелгән. Дәресләр бөтен Россия буенча белем бирү оешмаларында яңа уку елыннан башлана.
Очрашуларга укыту һәм тәрбия, геосәясәт өлкәсендәге белгечләр, иҗтимагый фикер лидерлары, шулай ук Россия Федерациясе Президенты Администрациясе һәм Россия Мәгариф министрлыгы вәкилләре чакырыла. Алар педагоглар белән «Мөһим турында сөйләшүләр» дип аталган класс сәгатьләрендә күтәреләчәк темалар һәм мәсьәләләр турында фикер алышалар: хәзерге Россия казанышлары, мәдәниятара аралашу үзенчәлекләре, Россия халкының традицион кыйммәтләре, дәүләт символикасы һәм башкалар. Спикерлар шулай ук очрашуларда кызыклы Кейс биремнәрен дә тикшерәләр.
Россиядә «Классный марафон»ның өч очрашуы узды инде. Аларда тыңлаучыларны «Мөһим турында сөйләшүләр» проектының максатлары, бурычлары һәм башка үзенчәлекләре белән таныштырдылар.
Марафонга төбәк мәйданчыкларында яки дистанцион рәвештә кушылырга мөмкин. Очрашулар «Rutube» проекты каналында һәм "ВКонтакте" социаль челтәрендә трансляцияләнә.