Урта һөнәри белем турындагы дипломнарда QR-кодлар барлыкка киләчәк

2022 елның 15 августы, дүшәмбе

2023 елдан урта һөнәри белем турындагы дипломнарда QR-кодлар урнаштырылачак. Бу документны ялганнан саклар дип көтелә, диелә Мәгариф министрлыгы боерыгында.

«Титул бланкының аскы сул почмагында машина укыла торган маркировка ясау өчен билгеләнгән 30 мм га 30 мм зурлыгындагы квадрат формасындагы ак урын булачак», - диелә хокукый мәгълүматның рәсми порталындагы документта.

Үзгәрешләр 1 марттан гамәлгә керәчәк.