Бөтенроссия түгәрәкләр конкурсына гаризалар 29 августка кадәр кабул ителә
2022 елгы Бөтенроссия түгәрәкләренә гаризалар кабул итү дәвам итә. Анда Фәнни-техник иҗат һәм технологик эшмәкәрлек өлкәсендәге түгәрәкләр, фән түгәрәкләре, технологик энтузиастлар командалары, мәктәп һәм студентлар стартаплары, шулай ук мәктәп укучылары һәм студентлар өчен берничә түгәрәкнең эш мәйданчыклары булган учреждениеләр чакырыла.
Конкурс Россия Мәгариф министрлыгы ярдәме белән үткәрелә.
2022 елда ул яшь лигаларына бүленеп дүрт трек буенча уза: кечкенәләре (1-4 сыйныф укучылары өчен түгәрәкләр), урта (5-8 сыйныфлар өчен), өлкәннәре (9-11 сыйныфлар, көллият һәм югары уку йортлары студентлары өчен) һәм яшьара.
Конкурста катнашу өчен гаризалар 29 августка кадәр сайтта кабул ителә. Нәтиҗәләр сентябрьдә игълан ителәчәк. Барлык түгәрәкләр-катнашучылар турында мәгълүмат Россия түгәрәкләренең интерактив картасында урнаштырылачак.