Татарстанның өч мәктәбе Бөтенроссия экоконкурс финалистлары булды
РФ Экокласс проекты «Минем яшел мәктәп» Бөтенроссия мәктәп экопроектлары конкурсына йомгак ясады. Анда Россиянең 83 регионыннан 500дән артык мәктәп катнашты. Конкурсның финалына мәктәпләрнең экологик торышын киметү буенча иң перспективалы карарлар чыгарган 55 уку йорты чыкты. Татарстан Республикасының өч мәктәбе командасы иң яхшы эшләр авторлары исемлегенә керде,аларның икесе-ТОП-10лыкта.
Ярыш шартлары буенча, мәктәп укучылары командалары педагоглар ярдәмендә яңа проектлар эшләгән яки инде уку йортлары базасында эшләп килүче экопроектларны тәкъдим итәргә тиеш иде.
Конкурска Россиянең барлык төбәкләреннән барлыгы 1000нән артык мәктәп командасы теркәлгән. Гаризалар бирү этабына 83 регионнан 500дән артык мәктәп килде, алар эксперт жюри хөкеменә 548 ЭКОпроект тәкъдим итте.
Конкурсның Гран-при бүләген төбәк мәктәпләренең эшчәнлеген берләштерүче «Яшел мәктәпләр» 4 челтәр проекты алды, ә экопроектлары иң күп балл җыйган 10 мәктәп командасы җиңүче булды. Финалистлар исемлегенә 41 мәктәп командасы керде.
Мәктәп командалары арасында “Эко Лайф” эко-отряды эшчәнлеген гамәлгә ашыру” проекты белән алтынчы урынны алган Татарстан Республикасы Кукмара районы Ядыгерь авылының “Г.Гарифуллин исемендәге урта гомуми белем бирү мәктәбе” МББУ укучылары һәм Балтач районының “Мәктәп алды участогының Ландшафт дизайны” проекты белән җиденче урынны алган Түке урта мәктәбе укучылары да бар иде. Балтач урта мәктәбе командасы «Балтач шәһәр тибындагы поселогында «Салкын чишмә» чокырын стабильләштерү һәм төзекләндерү буенча социаль-тикшеренү проекты» проекты белән финалистлар арасына керде.