Көллият студентлары фельдшер белгечлеген тугызынчы сыйныфтан соң ук үзләштерә алачаклар
Россия Мәгариф һәм фән министрлыгы Россия Федерациясе Президенты йөкләмәсе буенча медицина белгечлекләре буенча Урта һөнәри белем бирүнең федераль дәүләт белем бирү стандартларын актуальләштерде. Эш Россия Сәламәтлек саклау министрлыгы белән бергә алып барылды.
Үзгәрешләр уку вакытына һәм урта гомуми белем алуга карата таләпләргә дә кагылды. Әйтик, көллияткә кергән 9 нчы сыйныфны тәмамлаучылар хәзер «Дәвалау эше» белгечлеге кысаларында дүрт ел эчендә фельдшерның квалификациясен үзләштерә алачаклар. Элек мондый мөмкинлек 11 нче сыйныфны тәмамлаучыларның гына булган.
Моннан тыш, барлык белем бирү программаларында, заманча чараларны исәпкә алып, медицина мәгълүмат системаларын өйрәнү һәм алган белемнәрен һәм күнекмәләрен практикада эшләү мөмкинлеге каралган.