Россия вузларына 900 мең абитуриенттан 6,5 миллионнан артык гариза бирелгән
Киров өлкәсенә эш сәфәре кысаларында Россия Хөкүмәте Рәисе урынбасары, Идел буе федераль округы кураторы Дмитрий Чернышенко югары уку йортларына кабул итү кампаниясенең башлангыч нәтиҗәләре турында хәбәр итте.
- Россия вузларына кабул итү кампаниясе кысаларында 900 меңгә якын абитуриенттан 6,5 миллион гариза бирелгән, - диде Чернышенко. - Бакалавриат һәм специалитет программалары буенча бюджетка кабул итү планы 97,5 процентка үтәлгән. 425 меңнән артык урынның 413е эшли. Өстәмә кабул итү игълан ителде.
Дмитрий Чернышенко искәртеп узганча, 2022 елда вузларда әзерлекнең барлык юнәлешләре буенча 588 меңнән артык бюджет урыны каралган, күбесе - бакалавриат һәм специалитет программалары буенча.
Бюджет урыннарына өстәмә кабул итү 16 сентябрьгә кадәр дәвам итәчәк.