Россиядә Мәктәп туклануы атналыгы узачак
«Иң яхшы мәктәп ашханәсе - 2022» Бөтенроссия конкурсының оештыру комитетында 21-25 ноябрь, финал турлары үткән көннәрдә, Россия мәктәп туклану атнасы үткәрү инициативасын хупладылар. Конкурсның оештыру комитеты утырышы Россия Мәгариф министры урынбасары Денис Грибов рәислегендә узды. Бу көннәрдә мәктәпләрдә сәламәт һәм баланслы туклану турында дәресләр, лекцияләр һәм әңгәмәләр үткәрәчәк.
Россия Мәгариф министрлыгы инициативасы белән «Иң яхшы мәктәп ашханәсе - 2022» Бөтенроссия конкурсы икенче тапкыр уза. Быел конкурста катнашучыларны Башкортстан Республикасы кабул итәчәк. ТР мәгариф һәм фән министры Айбулат Хажин чарага әзерлеге турында белдерде.
«Иң яхшы мәктәп ашханәсе - 2022» конкурсының финал турында катнашучылар өчен «Кулинар батл» мәктәп пешекчеләренең индивидуаль конкурсы, «Мәктәп туклануы 3.0» тематик өстәлләр күргәзмәсе, «Мәктәп туклануын оештыручыларга ата-аналардан өч сорау» блицтурниры, «Куркынычсыз азык-төлек» квест-практикумы узачак. Финал чаралары кысаларында алдынгы шеф-поварлардан мастер-класслар һәм «Укучыларның сәламәт туклануының экосистемасы буларак мәктәп ашханәсе» Бөтенроссия фәнни-гамәли конференциясе узачак.
Конкурсның федераль туры Мәскәүдә узачак суперфиналы белән тәмамланачак.
Россия Мәгариф министрлыгының «Иң яхшы мәктәп ашханәсе» Бөтенроссия конкурсы 2021 елдан бирле уздырыла. Аның максаты - мәктәп пешекчеләренең туклануын оештыруның иң уңышлы тәҗрибәләрен ачыклау һәм башкаларга да җиткерү.