КФУда чит ил студентлары өчен рус теленнән республика олимпиадасы узачак
Агымдагы елның 7-8 декабрендә Казан (Идел буе) федераль университетының Филология һәм мәдәниятара багланышлар институты буларак рус теле кафедрасы базасында чит ил студентлары өчен рус теленнән республика олимпиадасы узачак! Ике көн дәвамында катнашучылар, Татарстан Республикасы югары белем бирү мәгариф оешмаларында бакалавриат, специалитет һәм магистратура программалары буенча укучы чит ил студентлары, сөйләм телен белүдә ярышачаклар.
Беренче этапта, командаларга бүленеп алар үзләренең белемнәрен югары квалификацияле укытучылардан торган профессиональ жюрига күрсәтәчәкләр. Икенче этапка узган командалар нәтиҗәләр суммасы буенча билгеләнәчәк.
Икенче этапта катнашучыларга дискуссия өчен темалар тәкъдим ителәчәк. Чит ил кешеләре чыгыш ясау күнекмәләрен, фикер ала торган тема буенча сораулар бирә белергә һәм дискуссиядә катнашучыларның сорауларына дөрес җавап бирергә тиешләр.
Катнашу өчен гаризаны 2022 елның 26 ноябренә кадәр, электрон почта аша җибәреп була.
Олимпиаданы оештыру комитеты Почтасы: OlympiadaRUKFU@yandex.ru.
Тулырак мәгълүмат Филология һәм мәдәниятара коммуникацияләр институты сайтында урнаштырылачак.