Сергей Кравцов: "Мәктәпләрне капиталь ремонтлау программасы турында»

2022 елның 26 ноябре, шимбә

Бөтен Россия буенча 2022 елдан 2026 елга кадәр үткәрелә торган мәктәпләргә капиталь ремонт  ясау федераль программасы  төбәк җитәкчеләрен , актив  укучыларны, укытучылар һәм ата-аналарны җәлеп итте һәм чын-чынлап халыкныкына  әверелде. Бу хакта Россия Федерациясе мәгариф министры Сергей Кравцов «Бердәм Россия» партиясе һәм төбәкләр вәкилләре белән үткәрелгән селектор киңәшмәсендә әйтте.

«Бүгенге көндә барлыгы 1100 бина ремонтланган. Бу чыннан да яңа  мәгариф учреждениеләре. Мондый программа дөньяның бер илендә дә юк. Барлык эшләр дә диярлек тәмамланды. Капиталь ремонтка төбәкләр тарафыннан каралган акчаларның 15 миллиардын  тоттык  һәм 600гә якын мәктәп ремонтланачак. Киләсе елга конкурс процедуралары хәзерук  башланырга тиеш", - диде Сергей Кравцов.

Мәгариф һәм фән министрлыгы башлыгы өч төбәкне билгеләп үтте: Калмыкия, Удмуртия һәм Тула өлкәсе, анда биш мәктәп бинасында капиталь ремонт тәмамланмаган, һәм эшләрне башкару өчен җаваплы депутатлардан ремонт эшләре тәмамлануны киләсе дүшәмбегә кадәр контрольдә торуларын сорады.

Дәүләт Думасының Мәгариф комитеты рәисе Ольга Казакова хәбәр иткәнчә, мәктәпләрне капиталь ремонтлау программасы, 2023 ел планын исәпкә алып, ике ел эчендә 40% ка үтәләчәк.

"Икенче елга кергәндә, капремонт вакытында азык-төлек блоклары төзергә, укучының бүлмәләрен һәм, иң мөһиме, музей урыннарын булдырырга тәкъдим итәбез. Бу аерым урыннар да, фойелар да булырга мөмкин.», - диде ул.

Моннан тыш, Донецк Халык Республикасы Хөкүмәте Рәисе урынбасары вазыйфаларын башкаручы Лариса Толстыкина төбәктәге мәктәп биналарының торышы турында сөйләде. Аның сүзләренчә, мәктәпләрне бергәләп торгызу турында куратор-төбәкләр белән килешүләр төзелгән, 2022 ел ахырына кадәр 141 мәктәпне ремонтлау планлаштырыла.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International