Укучылар иншаны яңа кагыйдәләр буенча язачаклар. Нәрсә үзгәрәчәк?

2022 елның 29 ноябре, сишәмбе

Рәсәй мәктәпләренең 11нче сыйныф укучылары өчен,  2014 елдан башлап мәктәпләрдә кертелгән,  йомгаклау иншасын язарга  атнадан (7 нче декабрьгә ) аз гына артык вакыт кала. Иншаны уңышлы язу Бердәм дәүләт имтиханын керергә мөмкинлек бирә. "Зачет"ка язгансың икән - БДИга рәхим ит.  Язмадыңмы, килә алмадыңмы? Бәла түгел. 2023 нче елда тагын ике мөмкинлек булачак - 2 нче февраль һәм 4 нче майда. Быел чыгарылыш сыйныф укучыларын үзгәрешләр көтә: ачык тематик юнәлешләр бүтән алдан ук бастырылмаячак. Нәтиҗәле инша компонентлары яңача формалашачак. Йомгаклау иншасына 3 сәгать 55 минут бирелә, кимендә 250 сүз язарга  кирәк, әмма тәкъдим ителә торган күләм – 350 сүз, күбрәк тә мөмкин, ләкин тема буенча булуы мөһим.