13 меңнән артык ятим бала көллиятләрдә яңа һөнәрләргә бушлай өйрәнә алачак
Ятим һәм ата-ана тәрбиясеннән мәхрүм калган балалар арасыннан мәктәп укучылары һәм мөмкинлекләре чикләнгән студентларга икенче һөнәр алу мөмкинлеге барлыкка киләчәк. Аерым алганда, алар бюджет акчалары исәбеннән эшче һөнәрләрен яңадан әзерләү программалары буенча махсус белем ала, шулай ук уку әдәбияты, язу әсбаплары сатып алуга һәм укуның бөтен чоры дәвамында айлык пособие ала алачак. Тиешле закон проекты Россия Федерациясе Хөкүмәте утырышында Михаил Мишустин рәислегендә хупланды.
"2024 елдан бу максатларга төбәк бюджетларыннан 700 млн сумга якын акча бүлеп бирү планлаштырыла, бу 2024 елдан 2026 елга кадәр чорда 13 меңнән артык кешене яңадан әзерләргә мөмкинлек бирәчәк", - дип ассызыклады Россия Федерациясе мәгариф министры Сергей Кравцов.
Шул ук вакытта яшьләргә ярдәм итү өчен айлык пособие күләме уртача 10 мең сумнан артык тәшкил итәчәк. Тагын якынча 3 мең сум (бер кешегә) акча кирәкле пособиеләр һәм әдәбият сатып алуга бүлеп биреләчәк.