Яшь галимнәр конгрессында төбәкләрдә социаль-белем бирү тирәлеген яхшырту чаралары турында фикер алыштылар
"Сириус" белем бирү үзәгендә II яшь галимнәр конгрессы ачылды. Россия мәгариф министрының беренче урынбасары Александр Бугаев түгәрәк өстәл кысаларында Россия мәктәпләрендә кулланыла торган технологик эшләнмәләр турында сөйләде.
Экспертлар илнең технологик суверенитетын тәэмин итү өчен үзебезнең югары технологияләр секторын үстерү һәм импортны алыштыру, шулай ук квалификацияле кадрларга ихтыяҗ арту турында фикер алыштылар. Аерым тема балаларны югары технологияле өлкәләрнең кадрлар потенциалы сыйфатында җәлеп итү булды.
1 декабреннән 3 декабренә кадәр «Сириус» мәгариф үзәгендә яшь галимнәрнең II Конгрессы уза. Ул Россия Федерациясендә Фән һәм технологияләр унъеллыгының беренче елының төп чарасы.
Өч көн дәвамында галимнәр, фәннәрне популярлаштыручылар, дәүләт һәм бизнес вәкилләре фән белән яшьләрне ничек кызыксындыру һәм талантлы яшьләрне стимуллаштыру турында фикер алышачак. Дискуссиянең үзәк темасы - мәктәптә белем бирү программасында фәнне үстерүгә юнәлдерелгән конкрет адымнар, шулай ук яшьләргә яңа белем алуга ярдәм итә торган форматлар турында сөйләшү булачак.