Түбән Камада «Тарихи-җәмгыять циклы дәресләрендә һәм дәрестән тыш эшчәнлектә патриотизм һәм гражданлык тиңдәшлеген формалаштыру» педагоглар һәм җитәкчеләрнең республика семинары уза
Бүген, 14 декабрьдә, Түбән Камада «Тарихи-җәмгыять циклы дәресләрендә һәм дәрестән тыш эшчәнлектә патриотизм һәм гражданлык тәңгәллеген формалаштыру» педагог һәм җитәкчеләрнең республика семинары уза.
Семинар 6 юнәлеш буенча оештырылган:
-Укучыларны мәдәният һәм сәнгать чаралары белән тәрбияләү.
-Укучыларның гражданлык һәм лидерлык сыйфатларын формалаштыру.
-Ата-аналарның һәм балаларның рухи мәдәниятен кыйммәт-әхлакый аңның нигезе буларак формалаштыруда гаилә һәм мәктәпнең үзара бәйләнеше.
-Музей педагогикасы чаралары белән гражданлык тәңгәллеген формалаштыру.
-Дәреснең төрле этапларында заманча педагогик технологияләр кулланып патриотик юнәлештәге шәхси сыйфатларны формалаштыру.
-Яшьләргә патриотик тәрбия: заманча чынбарлык һәм проблемалар.
Семинар эшендә Алексеевск, Әгерҗе, Бөгелмә, Алабуга, Менделеевск, Түбән Кама муниципаль районнары, Яр Чаллы һәм Казан гомуми белем бирү оешмаларының 116 педагогик хезмәткәре, Түбән Кама муниципаль районы, Казан шәһәре Яңа Савин һәм Авиатөзелеш районнары мәгълүмат-методика бүлекләре методистлары катнаша.