Владимир Путин: киләсе ел ахырына өч яшькә кадәрге барлык балалар яследә урыннар белән тәэмин ителәчәк
Киләсе ел ахырына өч яшькә кадәрге барлык балалар яследә урын белән тәэмин ителәчәк. Бу хакта дәүләт башлыгы Владимир Путин Стратегик үсеш һәм илкүләм проектлар буенча Президент каршындагы совет утырышында белдерде. Дәүләт башлыгы илнең барлык төбәкләрендәге балалар өчен сыйфатлы белем бирүне һәм үсешне тәэмин итүнең мөһимлеген ассызыклады.
«Кешенең уңышлы киләчәге сыйфатлы белем бирүгә һәм төрле яклап үсешкә бәйле. Мондый мөмкинлекләрне бөтен җирдә, илебезнең теләсә кайсы төбәгендә тәэмин итәргә кирәк», - диде Президент. Владимир Путин хәбәр иткәнчә, мәктәпләр һәм балалар бакчалары төзелеше дәвам итә.
«Без балалар бакчалары һәм мәктәпләр төзибез. Киләсе ел ахырына барлык балалар өч яшькә кадәр яследә урыннар белән тәэмин ителәчәк. Исегезгә төшерәм, 2018 елда проект стартында тәэмин ителеш 78 процент иде. 2019 елдан 2024 елга кадәр кимендә 1300 мәктәп төзеләчәк, миллионнан артык уку урыны булачак ", - дип белдерде дәүләт башлыгы.
Гамәлдәге мәктәпләрне капиталь ремонтлау программасы турында сөйләгәндә «Мондый яңарту укытучылар, укучылар, әлбәттә, ата-аналар фикерен исәпкә алып үткәрелергә тиеш. Белем бирү киңлеге уңайлы, заманча, укуда уңышларга этәргеч булсын өчен нәрсә эшләргә кирәк, алар яхшырак белә. Һәм әлбәттә, сыйныфларны җиһазландыру, дәреслекләр белән тәэмин итү, кайнар туклану, кадрлар, түгәрәкләр һәм секцияләр, шундый ук югары стандартлар Донецк һәм Луганск халык республикалары мәгариф оешмаларында, Запорожск һәм Херсон өлкәләрендә булырга тиеш", - дип ассызыклады дәүләт башлыгы.
Россия Президенты Россиядә гомуми белем бирүнең иң яхшы, алдынгы методикаларга таянырга тиешлегенә игътибар итте.Дәүләт башлыгы мәктәп-лидерлар булдыру эшен координацияләүне Россия Мәгариф министрлыгына йөкләде.
Дәүләт башлыгы үзенең чыгышында , шулай ук балаларның ялы һәм сәламәтләндерү темасына да кагылды. Владимир Путин белдергәнчә, хөкүмәткә балалар ялы һәм сәламәтләндерү инфраструктурасын модернизацияләү буенча яңа федераль программаны тормышка ашыру йөкләнгән.