Киләсе уку елында бердәм федераль белем бирү программалары буенча укулар башлана

2022 елның 19 декабре, дүшәмбе

Сергей Кравцов билгеләп үткәнчә, быел закон кабул ителде, аның нигезендә федераль төп гомуми белем бирү программалары эшләнде. Бу алты фән буенча бердәм программалар: тарих, җәмгыять белеме, рус теле, әдәбият, география  һәм ОБЖ.

Мәгариф министры ассызыклаганча, бүген иң мөһим эш - мәктәпләр Министрлык тарафыннан расланган бердәм программалар буенча эшли алсын өчен, илдә бердәм белем бирү киңлеген торгызу.

Сергей Кравцов билгеләп үткәнчә, тәрбия системасына зур игътибар бирелә: һәр уку атнасы Дәүләт флагын күтәрүдән, Дәүләт гимнын башкарудан һәм «Мөһим  сөйләшүләр» дәресе үткәрүдән башлана.