Мәгариф министрлыгы мәктәптә озайтылган көн төркемнәрен кичке сигезгә кадәр эшләтү мөмкинлеген караячак
Мәгариф министрлыгы төбәк хакимияте белән берлектә, мәктәп укучылары анда кичке сигезгә кадәр була алырлык итеп озайтылган көн төркемнәренең эш графигын үзгәртү мөмкинлеген караячак. Мондый йөкләмәне РФ вице-премьеры Татьяна Голикова социаль өлкәдә попечительлек мәсьәләләре буенча хөкүмәт каршындагы совет утырышы нәтиҗәләре буенча бирде. Исегезгә төшерәбез, 2022 елның 1 сентябреннән озайтылган көн төркемнәрендә балаларны хәзер карап кына калмыйлар, алар белән өй эшләрен дә эшлиләр. Тиешле төзәтмәләр "РФдә мәгариф турында" Канунына кертелде. Мәктәпләрдә озайтылган көн төркемнәрен оештыру турындагы карарны ата-аналар кабул итәргә тиеш. Эш шунда, озайтылган көн төркемнәре дә, әти-шниләр кебек 18.00 сәгатькә кадәр эшли.
Бәлки, тиздән вәзгыять үзгәрер һәм ата-аналарга баланы мәктәптән алу өчен ашыгыч рәвештә эштән качарга туры килмәс.
Яңа график буенча тәкъдимнәр 2023 елның 10 мартына әзер булырга тиеш.