Татарстанда укучыларны цифрлы кушымталар булдыруга өйрәтү проектын эшләтеп җибәрәчәкләр
Татарстанда киләсе елда "Дай пять!" проектын эшләтеп җибәрергә телиләр, аны гамәлгә ашырганда укучылар цифрлы сервислар булдырырга өйрәнәчәк. Бу хакта республика саннар министры Айрат Хәйруллин "Цифрлы белем бирү контенты" онлайн-платформасының иң яхшы кулланучысы" конкурсында җиңүчеләрне бүләкләү тантанасында хәбәр итте.
"100 мең баланы программалаштыру гына түгел, ә алар цифрлы кушымталар ясарга өйрәнсен өчен, бурыч куйдык. Финалга, ким дигәндә, цифрлы кушымталар эшләнгән меңләгән бала килеп җитсен иде», - дип сөйләде дәүләт идарәсенең, мәгълүмати технологияләр һәм элемтәләрнең цифрлы үсеше министры.
Хәйруллин балаларны кушымталар ясарга мәктәп укытучылары - тьюторлар өйрәтәчәк, дип билгеләде. "Без аларга хезмәт хакын түләячәкбез. Алар бала кушымталар ясарга өйрәнсен өчен районнарда дәресләр үткәрергә ярдәм итәчәк, - дип ассызыклады ул.