Укучылар Бөтенроссия тикшерү эшләрен 1 марттан 20 майга кадәр язачаклар
"Мәгариф һәм фән өлкәсендә күзәтчелек буенча федераль хезмәт боерыгы белән 2023 елда гомумроссия тикшерү эшләрен үткәрү расписаниесе расланды. Бөтенроссия тикшерү эшләре быел 1 марттан 20 майга кадәр узачак. Һәр сыйныф һәм мәктәп предметы өчен ВПР уздыруның конкрет даталарын расписаниес кысаларында мөстәкыйль рәвештә билгелиләр", - диелә хәбәрдә.
Билгеләп үтелгәнчә, 1 марттан 25 мартка кадәр унынчы сыйныф укучылары географияне, унберенче сыйныф укучылары - тарихны, биологияне, географияне, физиканы, химияне, чит телләрне, шулай ук социаль-гуманитар фәннәр буенча бердәм тикшерү эшен тапшырачак. 10-11 сыйныф укучылары өчен ВПР үткәрергәме икәнен мәктәпләр үзләре хәл итәчәк. Шул ук вакытта унберенче сыйныф укучыларының контроль эшләре , БДИ формасында, тапшыру өчен сайлап алмаган предметлар буенча үткәрелергә тиеш.
15 марттан 20 майга кадәр 6 нчы сыйныфлар өчен тарих, биология, география һәм җәмгыять белеме буенча, 7 нче сыйныфлар тарих, биология, география, җәмгыять белеме һәм физика буенча, 8 нче сыйныфлар тарих, биология, география, җәмгыять белеме, физика һәм химия буенча ВПР узачак. 5-8 нче сыйныфларда тарих, биология, география һәм җәмгыять белеме буенча ВПР уздырганда, катнашучыларга компьютерда эшләр башкару мөмкинлеге бирелә. Моның өчен расписаниедә 4 апрельдән 17 апрельгә кадәр чор һәм резерв көне - 18 апрельдә, диелә хәбәрдә.