Информатика буенча «Яндекс Учебника» олимпиадасында 6-11 сыйныф укучылары катнаша ала
6-11 сыйныф укучылары өчен информатика буенча олимпиада башланды. Олимпиада Россия Мәгариф министрлыгы тарафыннан 2022/23 уку елына расланган олимпиадалар исемлегенә кертелгән.
Олимпиадада теләгән һәркем катнаша ала. Интеллектуаль ярышларга 6 мартка кадәр кушылырга мөмкин.
Олимпиада ике этапка бүленә: танып белү һәм ярышу. Беренче этапта укучылар IT-лабораториягә эләгә, анда аларны өч блок бире көтә: логика һәм математика мәсьәләләре, роверны программалаштыру һәм Python нигезләре. Турны узу өчен катлаулы исәпләүләр таләп ителми, әмма катнашучыларга гадәти мәктәп программасы кысаларында каралган сорауларны ачыкларга туры киләчәк.
Балалар математиканы стандарт булмаган мәсьәләләрне хәл итү өчен кулланырга, роботлар өчен командаларны программалаштырырга һәм практикада логика, тестлаштыру, алгоритмик фикерләү, декомпозиция һәм геометрик интуиция кебек күнекмәләрне кулланырга өйрәнәләр. Һәр теманы өйрәтү видеосы күрсәтелә, ә катлаулылык дәрәҗәсен үзең сайлыйсың, эш авыррак булган саен күбрәк балл алырга мөмкин. Иң яхшы нәтиҗәлә күрсәткән катнашучылар икенче турга узачак.
Икенче тур, "Алиса" белән хакатон - тавыш ярдәмчесе өчен күнекмәләр булдыру буенча команда ярышы. «Яндекс Диалогов» командасыннан экспертлар җитәкчелегендә катнашучылар үз модульләрен эшли һәм IT-продуктлар өлкәсендәге актуаль бурычлар белән танышачак.
Олимпиаданың икенче туры катнашучылары һәм җиңүчеләре өч компетенциядә: Python да программалаштыру, тикшеренү эшчәнлеге һәм ясалма интеллект буенча 2 дән 15 кадәр балл алырга мөмкин:
Һәр тур өчен укучылар исемле сертификатлар, җиңүчеләр - дипломнар, ә укытучылар - рәхмәт хатлары белән бүләкләнә. Икенче турда эшләнгән иң яхшы проектлар "Алиса" каталогында бастырылачак. Иң югары нәтиҗәләрне күрсәткән катнашучылар вузларга керү өчен өстәмә баллар ала алачак.
Үткәрү көннәре: беренче тур - 2023 елның 6 мартына кадәр, икенче тур - 2023 елның 8 апреленә кадәр.
Үткәрү форматы: онлайн.