Технологик эшкуарлык өлкәсендә 100дән артык югары уку йорты программасына грантлар биреләчәк
Университетлар арасында акселерацион программалар уздыруга грант бәйгесе башланды. Конкурсның максаты - Россиядә технологик эшкуарлык экосистемасын формалаштыру өчен проект командаларына һәм студентлар инициативаларына ярдәм итү.
Заявка бирү этабында вузлар акселерацион программаларны гамәлгә ашыру тәҗрибәсен расларга, шулай ук университет һәм индустриаль партнерлар ягыннан стартап-проектларга постакселерацион ярдәм күрсәтү тәкъдимнәрен формалаштырырга тиеш.
Акселераторлар программалары технологик эшкуарлык өлкәсендә әһәмиятле тәҗрибәгә ия булган лекцияләр, воркшоплар, нетворкинг, профессионал-практикалар белән очрашулар үз эченә алачак.
Сайлап алуда катнашу өчен, 2023 елгы конкурс документациясендә күрсәтелгән барлык кирәкле документларны кертеп , форманы тутырырга кирәк. Университетлар берничә гариза бирә ала, әмма өч дән артык түгел. Акселерацион программалар апрель аенда ук эшли башлаячак.
Конкурс «Университет технологик эшкуарлыгы платформасы» федераль проекты кысаларында уздырыла.