Һөнәри осталык буенча яңа Бөтенроссия чемпионаты хәрәкәте концепциясе расланды
Россия Федерациясе мәгариф министры Сергей Кравцов билгеләп үткәнчә, һөнәри осталык буенча Бөтенроссия чемпионаты хәрәкәтенең стратегик максаты : икътисад тармакларын кадрлар белән тәэмин итүдә ярдәм.
Бөтенроссия һөнәри осталык буенча чемпионат хәрәкәте талантлы яшь белгечләргә ярдәм итүгә һәм аларны илебез җитештерүчеләренең әйдәп баручы компанияләренә эшкә урнаштыруга юнәлтелгән. Ул “Профессионаллар” һөнәри осталык чемпионаты һәм Югары технологияләр чемпионаты чараларын үз эченә ала. Ике чемпионат та «Профессионалитет» федераль проекты кысаларында уздырыла. Һөнәри осталык буенча Бөтенроссия чемпионаты хәрәкәтенең федераль операторы итеп «Һөнәри белем бирүне үстерү институты» өстәмә һөнәри белем бирү ФДБМУ билгеләнде.
Ярышларда көллият, техникум студентлары һәм 14 яшьтән мәктәп укучылары катнашачак. Һәр конкурсантны барлык чараларда, эшләрне бәяләүне дә кертеп, катнашучы эксперт-остаз озата бара. Җиңүчеләр һәм призерлар предприятие базасында чемпионат хәрәкәте партнерлары, чит ил партнерлары базасында стажировка үтәргә яки эшкә урнашу турында тәкъдим алырга мөмкинлек бирәчәк.
Бөтенроссия һөнәри осталык чемпионатының оештыру комитетының беренче утырышы Мәскәүдә узды.