Владимир Путин гуманитар фәннәр буенча мәктәп программаларының сыйфатын арттырырга кушты
Гуманитар белгечлекләр буенча, яшьләр үз ватаннары, аның мәдәнияте һәм традицияләре турында яхшырак белә алсын өчен, гомуми һәм югары белем бирү программаларының сыйфатын арттырырга кирәк. Бу хакта Россия Федерациясе Президенты Владимир Путин Федераль Собраниегә Юлламасында белдерде.
Эш инде алып барыла. Мәктәпләр өчен алты фән буенча, шул исәптән гуманитар дисциплиналар, федераль төп гомуми белем бирү программалары расланды. Алар булган уңышлы педагогик эшләнмәләрне исәпкә алып әзерләнде һәм эксперт җәмгыяте тарафыннан хупланды.
Программаларда белем бирү эчтәлегенә, аның сыйфатын күтәрүгә аерым игътибар бирелә, тәрбия эшенә аерым басым ясалды. Алар составына федераль уку планы, календарь уку графигы, уку предметларының эш программалары, тәрбия бирүнең эшче программасы һәм тәрбия эшенең календарь планы керде.
Яңа программалар илнең барлык мәгариф оешмалары өчен югары стандартлар бирә. Барлык мәктәпләр дә федераль төп гомуми белем бирү программаларына 2023 елның 1 сентябреннән күчәргә тиеш. Башлангыч мәктәп өчен рус теле, уку һәм әйләнә-тирә дөнья буенча программалар расланды. Төп һәм урта мәктәп өчен федераль программалар составына рус теле, әдәбияты, тарих, җәмгыять белеме, география һәм ОБЖ программаларын куллану өчен мәҗбүри программалар кертелгән. Уку елы ахырына кадәр башка фәннәр буенча федераль программалар эшләнәчәк, мәсәлән, информатика һәм физика буенча. Дәүләт башлыгы шулай ук югары мәктәптә үзгәрешләр кирәклеге кирәклегенә игътибар итте. Аның сүзләренә караганда, икътисад, социаль тармаклар белгечләренә карата яңа таләпләрне исәпкә алып, тормышның барлык өлкәләрендә дә белем бирүнең совет системасында булган иң яхшы нәрсәне һәм соңгы дистә еллар тәҗрибәсен синтезлау кирәк. Ул ил өчен традицион булган югары белем бирү программалары буенча белгечләр әзерләүгә кире кайтырга тәкъдим итте. Уку вакыты дүрт елдан алып алты елга кадәр булырга мөмкин.